الكشري المصري بس من ايدي غيير المقادير علي حسب عدد أفراد الاسرة عدس أبو جبه يعني اللي فيه قشرة غامقه رز مصري مكرونه حجم صغير بصل مقطع شرايح رفيعه ومقلي صوص طماطم مكونه من بصل مفروم ناعم + ثوم مفروم + طماطم مفرومه ف الخلاط ملح + فلفل أسود + كمون + شطه حاره صوص الثوم والخل مكون من : خل + ماء + ثوم مفروم + شطه+ ملح + كمون
طريقتي بالتفصيل يمكن تكون مختلف شويه ولكن الطعم مركز وأحلي من المطاعم بكتيييييييير اولاً بحمر البصل الاول في زيت غزير عشان يكون مقر مش وافرده علي ورق مطبخ ليمتص الزيت الزائد ثم أرش عليه قليل من الملح والكمون بيعطي طعم رائع للبصل ودي صورة البصل المقرمش وخلي بالك أوعي تغمقي لونه عشان مش يكون طعمه مر
بعد كده طبعا أنا بقول الخطوات بالترتيب عشان نستفيد بالزيت اللي حمرت فيه البصل وكمان لان الزيت بيكون أخد طعم البصل باخد الزيت واطبخ بيه العدس والرز والمكرونه وبكدة استفدت منه بدل ما ارميه وف نفس الوقت بيعطي طعم حلو المهم نضع قليل من الزيت في حله ع النار ثم الماء وشوية بصل من اللي قليناه ولما يغلي الماء نضع العدس المغسول والمصفي واحط كمون أهم شئ وكتري كمية الماء لان هاناخد منه للرز ولما يقرب ع الاستواء نضع الملح
أه ونسيت بحط مع العدس نصف مكعب ماجي وبعد ما يستوي بصفيه من الماء واسيب العدس شويه ع نار هادئه لغاية مايتبخر من المايه وينشف تماماً ثم في إناء اخر نضع شويه من زيت اللي قليت بيه البصل وأضيف ماء العدس واظبط الملح ولما يغلي أضيف الرز واخليه يستوي عادي ذي طريقة الرز العاديه
ودا شكل الرز بياخد لون حلو وكمان طعم
بعد كده المكرونه ودي طريقتي فيها مختلفه شويه بدل ما أسلقها ويكون مش لها طعم بطبخها مثل الرز تمام في إناء نضع شويه زيت ثم الماء ومكعب ماجي وشوية فلفل اسود وملح واخليهم يغلوا ثم أضيف المكرونه مع مراعاة ان تكون كمية الماء يادوب تغطي وجه المكرونه وأهدي النار جداً واخليها تستوي مثل الرز ودي بتكون طعمها احلي بكتيير من المسلوقه
اخدتوا بالكوا من كمية المايه وكمان بعد ما استوت مفلفله ولذيذة بعد كده نجهز الصوص نضع بصله صغيرة مفرومه ناعم مع فصين ثوم مفرومين ونشوحهم شويه ع النار
ثم نضيف الطماطم المعصورة ومعلقه كبيرة خل وملح وفلفل اسود وشطه للي بيحب الحراق بس أكيد الكشري لازم يكون حار جداً ونسيب الصوص يتسبك تماماً ع النار ودا شكله
بعد كده نجهز صوص الثوم بالخل وكمان طريقتي فيه مختلفه شويه في إناء صغير نضع 3 فصوص ثوم مهروسه وربع كوب خل وماء وملح وفلفل اسود وكمون وشطه مجروشه واخليهم يغلوا غلوة واحدة ع النار عشان كل حاجه تأخذ من بعضها ف الطعم او تجهزيه ع البارد وتسبيه منقوع مع بعضه وتسبيه ف التلاجه بضع ساعات
وكمان قليت معاه باذنجان علي طريقتي لزوم التحابيش وكمان بيفتح النفس
ومرة تانيه مكنش موجود عندي فلفل احمر عملته بالأخضر وكان لذيذ
وكمان باقي خلطة الباذنجان حشيت بيها طماطم بقطع الطماطم نصفيه ونفضيها من اللب والماء الموجود فيها واضيفه لخلطة الباذنجان واحشي بيها الطماطم وبخليها حراقه شويه ياسلام سلم لذيذة وتفتح النفس يم يم
ودي شكلها ع السفرة
نيجي بقي للكشري نضع طبقة من الرز ثم العدس ثم المكرونه وهكذا حتي تنتهي الكميه ونرش البصل ع الوجه وعند التقديم نضع الصوص بحد بجد لذيذ وطعمه خيال
وممكن تغيري ف الترتيب تخلي المكرونه طبقه اولي ثم الرز ثم العدس ذي ماتحبي المهم هو في الاخر كشري ههه
ودي شكل السفرة كامله
أتمني تجربوه متأكده إنه ها يعجبكوا في رعاية الله وأمنه ولا تنسوني من دعواتكم الصالحه والحمد لله الذي أطعمنا وسقانا وكفانا فكم ممن لا كافي له ولا مأوي
موضوع: رد: طريقة عمل الكشري المصري علي أصوله بالصور
طريقة أخرة لعمل الكشرى المصرى
طريقة عمل الكشري
1- أحضري عدد ثمانية فصوص من الثوم 2- أحضري ثلاثة ملاعق من الكمون 3- أحضري ثلاثة ملاعق من الشطة 4- أحضري عدد لمونتان 5- أحضري معلقتان من الملح 6- أحضري نصف كوب من الخل 2- قومي بإضافة الثوم وقلبيه على الزيت قليلا 3- قومي بإضافة صلصة الطماطم وتبليها بواسطة الملح وضيفي الفلفل حتى تتم عملية الغليان وبعد ذلك خفضي النار واتركيها قليلا 4- قومي بإضافة الخل مع التقليب واتركي الصلصة لمدة خمسة دقائق ومن ثم انتهيت من عمل صلصة الكشري واتركيها الأن جانبا طريقة عمل دقة الكشري 1- قومي بإحضار الثوم ومن ثم قومي بهرسه جيدا مع الكمون والملح 2- أحضري اناء وضيفي للخليط الليمون والخل مع أضافة القليل من الماء واتركيهم على النار مع التقليب الخفيف وعلى حسب قومي بالتذوق إن كان الخليط يحتاج إلى الملح ام لا 3- اتركيها على النار حتى تشتمي رائحته الفواحة
وقومي بغسله جيدا ومن ثم صفيه 2- أحضري الزيت وقومي بإضافته على نار هادئة 3- قومي بوضع البصل وقلبي حتى يأخذ اللون البني الفاتح 4- قومي برفع البصل من الزيت وقومي بوضع وضيفيه على أي قطعة من القماش حتى تتم عملية امتصاص الزيت منه 5- قومي بوضع العدس في نفس الإناء مرة أخرى وقلبيه وتغطيه بواسطة الماء وقومي بتتبيله بالملح والفلفل وخفضي درجة حرارة النار من عليه واتركيه فقط دقيقة واحدة حتى ينضج من امامك 6- الأن قومي بإضافة الأرز له وقلبيه مع العدس مع التتبيل واتركيه على النار مع إضافة القليل من الماء إن وجدتي انه تطلب الأمر ذلك 7- قومي بسلق المكرونة واتركيها جانبا عندما تقومي بتقديم الكشري قومي بوضع الأرز مع العدس مع إضافة المكرونة وقومي بتزيين الطبق بالصلصة واضافة الدقة يمكنك استخدام إضافات أخرى كالكبدة او الشاورما او السجق من فوق طبق الكشري