انتشرت صور مسربة لسيارة بورشه الهجينة 918 سبايدر على مواقع كتير على الانترنت، واتسربت من كتالوج خاص بالسيارة الجديدة بورشه الهجينة 918 سبايدر.
و الصور المتسربة حسب "اى فرات" شبيهه بشكل كبيرة للنسخة التجريبية اللى ظهرت فى معرض جينيف للسيارات في 2010، و السيارة الجديدة هاتبقى موجودة ب 12 لون مختلف، وبالنسبة المقصورة الداخلية فمن الواضح انها بتتميز بقوة وتطور السيارة فالكونسول فيه مجموعة من ادوات التحكم وكمان شاشة تعمل باللمس.
وبالنسبة لمواصفات السيارة الفنية النهائية، فشركة بورشه مصرحتش عنها لغاية دلوقتى لكن النماذج الأختبارية لها كانت بتتزود بمحرك V8سعته 4.6 لتر ومعاه محركين كهربيين تانيين، فيبقى اجمالي القوة المولدة من السيارة هي 759 حصان بتخليها تحقق تسارع خيالي وبتنطلق من السكون الي سرعة 100 كم/ساعة في وقت اقل من تلات ثوانى.
الشىء اللى بيميز السيارة دى من بورشه هو انها بتحقق الأداء المبهر ده فى نفس الوقت اللى بتكون فيه اقتصادية بدرجة كبيرة فى استهلاك الوقود وده دايما مش بنلاقيه فى السيارات الرياضية الفارهة، فالسيارة بورشه 918 سبايدر بتستهلك 3 لترات من الوقود بس فى كل 100 كم، اللى بيخليها تتحرك مسافة 25 كم كاملة بالاعتماد علي المحركات الكهربائية بس.
وشركة بورشه هاتطرح السيارة تجاريا فى الاسواق بعد عام تقريبا فى سبتمبر 2013 وسعرها هايبقى تقريبا 850 الف دولار.
صور مسربة للسيارة بورشه الهجينة 918 سبايدر
موضوع: صور مسربة للسيارة بورشه الهجينة 918 سبايدر
