إختيار نوع إبره التريكو من أكبر علامات الإستفهام اللي بتواجه أي حد مبتدئ، لأن الإختيار بيبقى مش بس بإختيار المقاس، عشان كده عملنالكم الدليل ده لأنواع إبر التريكو و إستخدمات كل نوع..
الأبر العاديه Straight Needle
دي أول نوع إبر بتيجي في بالنا أول مانتكلم عن التريكو، وهي أكثر الأنواع انتشارا في السوق. في ناس محترفه مش بتستخدم غيرها مع إن استخدامهم سهل بس مش دايما عملين، و بيصعبوا بعض المشاريع. في أثناء الشغل بنشتغل على أساس وش و ضهر الشغل على عكس الإبر التانيه بنشتغل ناحيه واحده بس.
مناسبه مع المشاريع المستويه، زي الكوفيات و الشيلان
الإبر المدوره Circular Needles
بتيجي بأكتر من طول للحبل البلاستيك الواصل بين الإبرتين و الطول ده بيحدده مقاس المشروع – مع إننا ممكن نتحكم في الطول عادي مش هيعملنا مشكله. عشان كده لو هتشتروا واحده بس الأكبر هتكون أفضل ليكم
مناسبه للمشاريع المقفوله، زي الطواقي أو البلوفرات (و خاصة ياقات البلوفرات) اللي عايزين نعملها من غير أي خياطات أو تركيب
الإبر اللي بناحيتين DPN – double pointed needles
بيتباعوا في مجموعه من 5 إبر و بيجوا بأطوال مختلفه.
و أحيانا بنستخدمهم في المشاريغ المستويه الصغيره I-cord مناسب للمشاريع المقفوله الصغيره زي الشرابات أو الجوانتيات أو المشاريع الأنبوبيه و برضه بتستخدم مع بعض الغرز زي
ملحوظه أخيره، إحنا واجهنا صعوبه إننا نلاقي الإبر دي في محلات مصر و إكتشفنا إنها موجوده بس مكناش نعرف أساميها الدارجه. إسألوا عن إبر الشرابات أو الياقات، هي دي أسمأها الحركيه
أحكولنا عن تجاربكم مع أول ابرة اشتريتوها، واجهتم صعوبة؟
إبر التريكو
موضوع: إبر التريكو
