مقادير العجينة المشكلة: 125غ مرغرين طرية 125غ سكر ناعم قرصة ملح فانيلا 1حبةبيض كاملة 255غ فرينة الطريقة: مرغرين+السكر الناعم نخدموهم مليح باليد نضيف حبة البيض و الفانيلا و نخلط مليح باليد حتى تندمج المكونات و نضيف الفرينة مع رشة الملح و نلم العجينة باطراف الاصابع فط متعجنوهاش و نخليها ترتاح فالبراد بعد ما نلفها بالورق الشفاف مدة 2الى3ساعات و بعد نجبدها اذا كانت قاصحة نخليها في مكان العمل تطرى شوية و نخليها بالحلال رقيقة و نحطها في القالب و نثقبها و ندخلها طيب . الكراميل: 150غ سكر على نار متوسطة حتى يصبح كراميل نضيف ملعقة كبيرة (معمرة) مليح تع مرغرين و كي تذوب نضيف كاس تع شاي كريمة سائلة تكون سخونة شوية و غير تغلي الغلية الاولى نطفي النار. القاناش: 200غ شكولا سوداء(تقدرو تحطو شكولا بالحليب او تحطو 100غ شكولا سوداء مع 100غ شكولا سوداء)نذوبها في حمام مائي و نضيف عليها 150غ كريمة سائلة تكون سخونة و نخلط مليح.
التركيب: نحط مكسرات حسب الرغبه (جوز او لوز او بندق )و نضيف حبيبات الشكولا البيضاء ونحط عليهم الكراميل و بعد نحط القاناش و التزين حسب الرغبة
تارت الكراميل و الشكولا
موضوع: تارت الكراميل و الشكولا
