طبعا كلنا بتعب جدا فى البيت ومع الاولاد و للاسف عصبيتنا هي المسؤلية عن سوء تربية الاولاد اختي من الان اتخدي القرار انك سوف تربي اولاد بأفضل الطرق لازم نفهم ان الطفل بيبنى فكرته عن نفسه من خلال اسرته و بالذاااااات الام يعنى زى ما هتقولى عليه زى ما هياخد فكرة عن نفسه و يتصرف من خلالها باقى عمره كله انت بقى عليكى فكرته عن ذاته تبقى ايجابية ولا سلبية ؟؟ انتقاد= سلبية = شخص مهزوز فاقد الثقة فى نفسة و على هامش المجتمع مدح = ايجابية = شخص ثابت وجودة واثق فى نفسة و مبدع و يجبر الاخرين على احترامة طيب هتكلم شوية عن النقد اللى احنا شغالين فيه دة احنا بننتقد علشان فاكرين اننا لما نعمل كدة هيحسن و بنشجعه انه يتغير و دة غلط كبير مثال :: لما جوزك بينتقدك عمرك بتتحسنى و لا بتكتئبى و يجيلك احباط ؟؟ لما جوزك يمدحك مش بتتشجعى و تحسى بثقة و دفعة للامام؟؟ و هكذا فى كل الامور و كل الاشخاص مفيش حد بيتقبل النقد و لا بيتحسن منه بل بالعكس دايما النتيجة عكسية خالص و دايما الواحد يتقبل المدح و يحاول يبقى على مستوى حسن الظن دة و اعلى كمان ....صح تعالى نشوف ايه الرسالة اللى وصلت لابنك من النقد : الرسالة هى انت عيوبك كذا و كذا و كذا طيب بالله عليكى دة كلام ينفع من ام مربية لشخصية سوية انتى بترشدية لعيوبة بدل ما ترشدية لمميزاتة هاقولك على حاجة غريبة ....فى موقفين وحيدين بنشجع فيهم دايما و عمرنا ما بننتقد و هما المشى و الكلام تلاقيكى عماله تشجعى فية مهما وقع و برضة تفرحى بكلامة مهما كان مكسر و مش باين عارفة ليه .........لانك واثقة انه كدة كدة هيمشى و هيتكلم و انها مساله وقت طيب ليه ميكونش عندك نفس القناعة فى الامور الايجابية اللى طفلك او حتى السلبية !! انتقادك لطفلك هيؤدى الى هذه الامور: 1-هيعمل مسافة بينك و بينه و ينفر منك لانك بتفكرية بعيوبه و فشله . 2-هيعند زيادة و يتمسك بالسلوك السئ و ينتقل للاسوأ. 3-هيعمل معاكى نفس الحكاية لما يقدر و يكبر شوية .